(((همسات الليل)))
منتدى الحداد يرحب بالسادة الاعضاء والزوار نتمنى لكم اجمل الاوقات
(((همسات الليل)))

منتدى الحداد لكل العرب
 
الرئيسيةالرئيسية  اليوميةاليومية  بحـثبحـث  التسجيلالتسجيل  دخولدخول  
 منتديات (همسات الليل) ترحب بالسادة الاعضاء الكرام للتواصل مع الادارة على الاميل التالى على الياهو(aa_kk333) الياهو(mohamed_elsaid331)
اهاهلا و سهلا بعضوتنا الجديدة هند ومرحبا بيكى فى بيتك الصغير الف مبروك عاشقه الحزن مراقب عام للمنتدى (همسات الليل)
بحـث
 
 

نتائج البحث
 
Rechercher بحث متقدم
المواضيع الأخيرة
» سجل مرورك بنطق الشهادتين
الثلاثاء أبريل 19, 2016 12:58 am من طرف سعيد

»  في سبيل رفع راية الإسلام
الثلاثاء أبريل 19, 2016 12:55 am من طرف سعيد

» هااااااااااااااااااااااى انا خلود
الإثنين أكتوبر 08, 2012 8:53 pm من طرف سعيد

» مولود عاد للحياة قبل دفنه
الأحد أكتوبر 07, 2012 5:22 pm من طرف عصفورة الكناريا

» كلمات اغنيه سيره الحب لام كلثوم
الأحد أكتوبر 07, 2012 5:22 pm من طرف عصفورة الكناريا

» قلبك ما عدش منك
الأحد أكتوبر 07, 2012 5:22 pm من طرف عصفورة الكناريا

» ما بعد الغياب الا الغياب
السبت أكتوبر 06, 2012 10:59 pm من طرف عصفورة الكناريا

» لن ادخل المنتدى رساله لكل الاعضاء
السبت أكتوبر 06, 2012 10:46 pm من طرف توتا

» انا خلود عضوه جديده
السبت أكتوبر 06, 2012 10:44 pm من طرف توتا

أفضل 10 فاتحي مواضيع
القلب الطيب
 
سعيد
 
ابو الشوء
 
لانا
 
توتا
 
عاشقة الحزن
 
القرصان
 
مايا
 
كريمان
 
عصفورة الكناريا
 
أفضل 10 أعضاء في هذا المنتدى
القلب الطيب
 
سعيد
 
عاشقة الحزن
 
ابو الشوء
 
توتا
 
لانا
 
القرصان
 
هند
 
مايا
 
كريمان
 
ازرار التصفُّح
 البوابة
 الرئيسية
 قائمة الاعضاء
 البيانات الشخصية
 س .و .ج
 بحـث
منتدى
التبادل الاعلاني
احداث منتدى مجاني
ازرار التصفُّح
 البوابة
 الرئيسية
 قائمة الاعضاء
 البيانات الشخصية
 س .و .ج
 بحـث

شاطر | 
 

 مفيش...... للشاعر احمد فؤاد نجم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
القلب الطيب
Admin
Admin
avatar

.? : ز
ذكر عدد المساهمات : 353
تاريخ التسجيل : 12/04/2011

مُساهمةموضوع: مفيش...... للشاعر احمد فؤاد نجم   الجمعة أبريل 29, 2011 2:17 pm

برغم إن صورك فـ كل الدواير

وكل المداخل وكل المحاور

ومليا الشوارع على كل حيط ..

مطنش علينا وعامل عبيط ..

كأنك مفيش ..


***

يا فرحة قلوبنا رئيسنا ظريف ..

فُكهي ..

إبن نكته ودمه خفيف

فـ عهدك سيادتك فَرَشنا الرصيف

وآخر مُنانا الغُموس والرغيف

وكل أمَّا تُخنُق ندوَّر ..

مفيش !!

***


مسيِّب علينا عصابة حبايبك

فضايح وسرقة ونهب بسبايبك

مابين حزب نجلك ... وهانم جلالتك

وجيش الغوازي إللَّي داير يجاملك

وناملك وقاملك .... وحارسك وأمنك

شبعنا مهانه ... شبعنا لطيش ..!

وأنت .. مفيش !!

***

باعونا فـ حضورك ...

ببركة عِبـيدك وغالي وسرورك

باعوا الأراضي .... وكل المصانع

وباعوا البنوك ....

وقدَّام عِنيك .... صوتنا إتـنبح ..

ننادي عليك ..

إلحق يا ريس : ده باعوا الحديد !!

وأنت منشِّف دماغك عنيد !!

.. كأنك مفيش !!

***

دوشتوا دماغنا " بجمال " طلعتك

ومن يومها وإحنا عَبـيد حضرتك

ما تزعلش إني مواطن أبيح

ورافض كلابك فـ شعبك تطيح

فسادهم يا ريِّس واضح .. صريح

قوم بينا صلّح وفتَّش .. وثور

ح نكتب تاريخك ياريِّس بنور

مش تبقى عايش كأنـَّك مفيش !!

***

ورحمة أبوك .. مادام أنت قاعد

عيب لمَّا عُصبة نَـوَر يسحبُوك

م تُقبض عليهم .... م تقطع إيديهم ..

م تعمل عليهم يا ريِّس شاويش

بدل م انت ساكت وقاعد مفيش

***

ياريس علىّ الطلاق تعبانين !!

ياريس علىّ الحرام كفرانين !!

صبرنا سنين ..

سيادتك مسلطن

وشعبك وناسك بتاكل مسرطن

وتشرب مجاري وميت سم هاري ..

ومش دريانين !!

ما تنهض يا ريس تلم الديابه ؟!!

ده شعبك غلابه ....

ومليان طيابه ...

وهوَّ الشفاعة ف يوم الحساب

وهما البطانة الحُثاله الكلاب

ما يملاش عنيهم غير التراب

وليهم ضوافر

وميت ألف ناب

وواقفين لشعبك ورا كل باب

لإمتى ح تسكت وليه الغياب ؟

ده ياما ممالك طواها التراب

حياتنا ياريس تعب فوق عذاب

يا ريس " شريفك " ماهوَّاش شريف !!

" نظيفك " يا ريس ماهوَّاش نظيف !!

وحتى " حبيبك " ماهواش حبـيب !!

وأنا غصب عني ... خلاص إستويت ..

بـ غـُلبي إنحنيت ...

وطلعان عنيا ... وصعبان عليا

بحسبة بسيطة ومن غير خريطه ..

وكونك مفيش .. لقيت متساويش

ومش فارقه أعيش ...

نويت أشتكيك للِّي فوقي وفوقك

وأصلي الفرايض ....عسى يفـُك طُوقـك

قالولي إللي يسجد عدو النظام !!

حاولت أحكي حالي ...!!

قالولي الحكاوي نميمة وحرام !!

فكرت أكتب ..

لقيتكم سيادتك منعتوا الكلام !!

فقررت أحلم ..

هاحلم سيادتك وأفُك اللِّجام

ولو مش هيعجب سيادتك يا فندم

وصِّي العساكر .... تاخُدني أمَّا انام !!

***

حلمت إني شعب ....!

حلمت إني شعب ومصلوب بطولي

على أرض سمرا

ودمي بينـزف ومليان جروح

وفوق صدري جمرة

يميني مربّط على أرض طابا

شمالي ممسمر فـ "أولاد علي"

ورجلي على جزع نخلة فـ "حلايب"

ومرتاح براسي على حِجْر مصر

وشوفتك ياريس ....كأنك ولي ..

كأنك نبي ..

فـ إيدك عصاية وليك معجزات

وشايل صليبي وبتفـُكني ..

وانا فـ جنَّه خضره .. وتحتي جداول ..

ومن فوقي نور ... وريحة بخور ..

همست ف ودانك بآخر وصيّة :

إنسى إللي فاتك ...

هننسى الأسية ... !!

أمانه عليك ..

حُط الوطن جُوَّه نِنِّي عينيك

كرامة عيالنا أمانة ف إيديك

بحق إللي بينّا يا ريِّس وبـينك

وحَق اليَمِين و" ألكتاب " فى يمينك

بحق الشهيد .. إللي رافع جبينك

وجيش إنتصارك فى يوم العبور

وجيل حُر طالع .... وعدته بدور

لملم عيالك ... وجمَّع فـ مالك

وإسحب " جمالك " وسيبنا وغور

_________________
الرجوع الى أعلى الصفحة اذهب الى الأسفل
مايا

avatar

انثى عدد المساهمات : 43
تاريخ التسجيل : 27/04/2011

مُساهمةموضوع: رد: مفيش...... للشاعر احمد فؤاد نجم   الجمعة أبريل 29, 2011 10:21 pm

تسلم ايداك
الرجوع الى أعلى الصفحة اذهب الى الأسفل
القلب الطيب
Admin
Admin
avatar

.? : ز
ذكر عدد المساهمات : 353
تاريخ التسجيل : 12/04/2011

مُساهمةموضوع: رد: مفيش...... للشاعر احمد فؤاد نجم   الجمعة أبريل 29, 2011 11:01 pm

شكرا ليكى مايا
وشكرا لمرورك صفحتى المتواضعه واتمنى دوام التواصل

_________________
الرجوع الى أعلى الصفحة اذهب الى الأسفل
 
مفيش...... للشاعر احمد فؤاد نجم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
(((همسات الليل))) :: واحة الشعر-
انتقل الى: